इन्डोर सुपर लिगको दोस्रो संस्करणका लागि अक्सन सम्पन्न, १० टोलीले टुङ्ग्याए खेलाडी (नामसहित)

काठमाडौंः इन्डोर सुपर लिग (आईएसएल) क्रिकेटको दोस्रो संस्करणका लागि खेलाडी अक्सन सम्पन्न भएको छ । काठमाडौँ स्पोर्ट्स इभेन्ट्स प्रा.लि.को आयोजनामा हुने प्रतियोगिताका लागि शंखमुलस्थित अनमोल ब्याङ्क्वेटमा आयोजित अक्सनमार्फत सहभागी टोलीहरूले मार्की खेलाडीसहित आफ्नो टोली तयार गरेका हुन् ।

यस वर्ष प्रतियोगितामा १० फ्रेन्चाइज टोलीले प्रतिस्पर्धा गर्ने भएका छन् । पहिलो संस्करणमा ८ टोली सहभागी भएकोमा यस पटक दुई नयाँ टोली थपिएका हुन् । साथै यस वर्ष टोलीहरूको नाम पनि सहर तथा प्रदेशको पहिचान झल्किने गरी परिवर्तन गरिएको आयोजकले जनाएको छ ।

अक्सन कार्यक्रममा बोल्दै आईएसएलका प्रबन्ध निर्देशक ज्योति भण्डारीले नयाँ टोली पहिचानले प्रतियोगिताप्रति दर्शक र क्रिकेटप्रेमीको आकर्षण बढ्ने विश्वास व्यक्त गरे । उनले दोस्रो संस्करणलाई पहिलोभन्दा थप व्यवस्थित, प्रतिस्पर्धात्मक र भव्य बनाइने प्रतिबद्धता समेत जनाए ।

फ्रेन्चाइज प्रणालीमार्फत नेपाली इन्डोर क्रिकेटको विकास, नयाँ प्रतिभाको पहिचान र खेललाई व्यावसायिक रूपमा स्थापित गर्ने उद्देश्यका साथ आयोजना हुन लागेको यो प्रतियोगिता आगामी भदौ १७ गतेदेखि सञ्चालन हुनेछ । प्रतियोगिताको पहिलो संस्करणको उपाधि अनमोल पायोनियर्सले जितेको थियो ।

अक्सनपछि तय भएका १० वटै टोलीको अन्तिम नामावली:

काठमाडौं कैलाश किंग्स: सुमित महर्जन (मार्की), गौतम केसी, बिपिन शाही, सूर्य तामाङ, रामसेवक यादव, मुकेश ओझा, अविराज रोय, शौरभ साखाकर्मी, रोनिम तिवारी र भूलन साहनी ।

सुदूरपश्चिम टाइगर्स: रुपेशकुमार श्रीवास्तव (मार्की), शंकर राना, अभिषेक थापा, चन्द्रकान्त पौडेल, अमर रावल, सक्षम बस्ताकोटी, समीर कँडेल, आर्यन बिष्ट, अनुप श्रेष्ठ र नितेश कुमार ।

पोखरा वारियर्स: अमित श्रेष्ठ (मार्की), राजेन्द्र बम, दीपेश श्रेष्ठ, आश्रय बस्नेत, मिलन क्षेत्री, हरिओम जोशी, अशोक पौडेल, मोहम्मद हुसेन, केशव साउद र महेश खत्री ।

माया हेटौंडा रोयल्स: ऋत गौतम (मार्की), सोनु देवकोटा, दीपक बोहरा, रोहित शर्मा, प्रसिद्ध जैशी, सक्रियप्रताप कार्की, कृष कार्की, श्रवण यादव, विमल बीके र स्वरूप श्रेष्ठ ।

मिक्समाण्डु: उत्तमरङ्गु थापा (मार्की), संगीत पन्त, रिङ्जिन लामा, विधान श्रेष्ठ, मिसन कार्की, निश्चल श्रेष्ठ, मनोज यादव, सन्दीप पराजुली, आशिम केसी र रबिन जोशी ।

बुटवल एम्पायर: भुवन काक्री (मार्की), प्रणित थापा मगर, दिनेश अधिकारी, पवन कार्की, सचिन लेखक, दीपक जोशी, लक्ष्मण कार्की, तपेन्द्र बिष्ट, सुमन विश्वकर्मा र लक्की कडायत ।

ललितपुर अलस्टार्ज: विवेककुमार राना मगर (मार्की), आशुतोष घिरैया, प्रतीक श्रेष्ठ, तिलकराज भण्डारी, मनीष थापा, कुशल खड्का, विश्व कार्की, विधान खटिवडा, अविनाश बस्याल र सारस खत्री ।

लुम्बिनी योर्कर्स: रविकुमार साह (मार्की), दयानन्द मण्डल, नवीनकुमार यादव, तुलबहादुर थापा, आशिम श्रेष्ठ, अपराजित पौडेल, दीपक बोहरा, खगेन्द्रसिंह महरा, रोहनकुमार साह र रोशन झा ।

जनकपुर किंग्स: आइश भट्टराई (मार्की), सुनील दौल्याल, सुमित श्रेष्ठ, दीपक चन्द, प्रसिद्ध श्रेष्ठ, नितेश पटेल, नितेश कुमार मोक्तान, हिक्मत खत्री, निखिल खत्री र रोमन बिष्ट ।

विराटनगर ब्याटालियन: रुपेशकुमार सिंह (मार्की), खड्का बोहरा, चन्द्र बीसी, हिमाल चन्द, बिपिन आचार्य, सन्देश कार्की, अनिश धामी, सरोज खत्री, ट्राभिस जोशी र विवेक यादव ।