साफ क्लब महिला च्याम्पियनसिप २०२६ आजदेखि सुरु
काठमाडौंः साफ क्लब महिला च्याम्पियनसिप २०२६ का खेलहरू शुक्रबारदेखि त्रिपुरेश्वरस्थित दशरथ रंगशालामा सुरु हुँदैछ ।पाकिस्तानको कराँची सिटी एफसी र भुटानको ट्रान्सपोर्ट युनाइटेड लेडिज एफसीबीच उद्घाटन खेल हुनेछ ।
भुटानी टिममा ९० प्रतिशत राष्ट्रिय खेलाडी रहेका छन् । कराँची एफसी अनुभव बटुल्ने उदेश्यसहित मैदान उत्रिँदैछ।
साँझ ६ बजे हुने दोस्रो खेलमा नेपालका राष्ट्रिय खेलाडीले भरिएको एपीएफले बंगलादेशको नस्रिन स्पोर्टस एकेडेमीसँग प्रतिस्पर्धा गर्नेछ । एपीएफ कप्तान अनिता बस्नेतले घरेलु मैदानमा उत्कृष्ट प्रदर्शन गर्ने विश्वास व्यक्त गरेकी छन्।
प्रतियोगितामा नेपालको एपीएफ, भारतको इस्ट बंगाल, पाकिस्तानको कराँची एफसी, बंगलादेशको नस्रिन स्पोर्टस एकेडेमी र भुटानको ट्रान्सपोर्ट युनाइटेड लेडिज एफसीको सहभागिता रहेको छ ।